Պարեկային ծառայություն ընդունելության մրցույթը հաղթահարած Անի Հարությունյանը նշում է՝ ոստիկանի մասնագիտությունն իր համար բարդ և միաժամանակ շատ հետաքրքիր է։ Նա իր օրինակով փորձում է կոտրել կարծրատիպեր։
Անին կանանց հորդորում է համալրել Պարեկային ծառայության շարքերը՝ ընդգծելով, որ կին ոստիկանը պետք է լինի գրագետ ու նպատակասլաց, որպեսզի հեշտությամբ կարողանա հաղթահարել ծառայության ընթացքում առաջացած դժվարությունները։
