Հուլիսի 16-ին ՆԳ նախարարության գլխավոր քարտուղարի տեղակալ Խաչատուր Իգիթյանը հանդիպել է գնման գործընթացում ներգրավված ՆԳՆ պատասխանատու ստորաբաժանումների ներկայացուցիչների հետ։

Քննարկվել են ընթացիկ գործընթացների արդյունավետության բարձրացմանն ուղղված հարցեր, վերհանվել ոլորտին վերաբերելի խնդիրները, ներառյալ՝ պետական գնումների գործընթացում ՆԳՆ տարբեր ստորաբաժանումների ծառայողների կարողությունների զարգացման հնարավորությունները։

Մասնակիցները կիսվել են կարծիքներով ու մտահոգություններով, արել առաջարկություններ, որոնք կդիտարկվեն հետագա աշխատանքներն իրականացնելիս։

Ներքին գործերի և Ֆինանսների նախարարությունների համագործակցությամբ հանդիպմանը հաջորդել է կարողությունների զարգացմանը միտված «Պետական գնումներ ՆԳՆ աշխատակիցների համար» թեմայով վերապատրաստման դասընթացը, որին մասնակցել են գերատեսչության գնումների համակարգողներն ու պատասխանատու ստորաբաժանումների ներկայացուցիչները։

Դասընթացի շրջանակում մասնակիցները զարգացրել են գիտելիքները պետական գնումների գործընթացի, ոլորտին վերաբերող օրենսդրական վերջին փոփոխությունների շուրջ, քննարկել գնումների հայտեր և տեխնիկական բնութագրեր կազմելու պահանջները։