Հանձնելուց հետո մեկ տարվա ընթացքում կարող եք մասնակցել գործնական քննության։

• Որակավորման տեսական քննության համար՝ 3000 ՀՀ դրամ։
• Որակավորման գործնական քննության համար՝ 3000 և 10000 ՀՀ դրամ։
• Նոր վարորդական վկայականի, հինը նորով փոխանակելու և կորածի փոխարեն նորը տրամադրելու համար՝ 12 000 ՀՀ դրամ։

Առաջին ձախողման դեպքում, օրենքով սահմանված վճարի դիմաց, հնարավոր է արտահերթ մասնակցել քննությանը՝ հաջորդ օրը կամ երրորդ օրը։

Պետական տուրքը կազմում է՝

• 45 000 ՀՀ դրամ (հաջորդ օրը)
• 30 000 ՀՀ դրամ (երրորդ օրը)

Արագացված ծառայությունից օգտվելու դեպքում երկրորդ և յուրաքանչյուր հաջորդ ձախողումից հետո վերահանձնումը թույլատրվում է 7-րդ կամ 14-րդ օրը։

Պետական տուրքը կազմում է՝

• 45 000 ՀՀ դրամ (7-րդ օրը)
• 30 000 ՀՀ դրամ (14-րդ օրը)։

Եթե մեկ տարվա ընթացքում սպառես քո բոլոր բալերը, ապա 6 ամսով կկասեցվի ավտոմեքենա վարելու իրավունքդ, ինչից հետո քեզ կրկին կտրվի 13 բալ։ 
Այս դեպքում դու կարող ես նշված ժամկետից շուտ վերականգնել քո վարորդական իրավունքը․ դրա համար անհրաժեշտ է վարելու իրավունքը կասեցվելուց ոչ շուտ, քան 3 ամիս անց որակավորման տեսական քննություն հանձնել։

Եթե մեկ տարվա ընթացքում երկրորդ անգամ սպառես 13 բալը, ապա 1 տարով կզրկվես վարելու իրավունքից, և այդ ժամկետի ավարտից հետո ստիպված կլինես հանձնել և տեսական, և գործնական քննություն և կրկին ստանալ վարորդական իրավունք։

Եթե քո հաշվին քիչ բալեր են մնացել, ապա կարող ես տարվա ընթացքում մեկ անգամ համալրել դրանք` հանձնելով տեսական քննություն և ստանալով 2 «բոնուսային» միավոր։ 

Եթե ավտոմեքենայի սեփականատերն ես, սակայն իրավախախտումը կատարել է մեկ այլ անձ, ով տվյալ պահին վարել է քո ավտոմեքենան, ապա իրավախախտման բալերը կհանվեն ոչ թե փաստացի վարորդի միավորներից, այլ քո, քանի որ ավտոմեքենայի սեփականատերը դու ես։

Նման խնդրից խուսափելու համար պարզապես անհրաժեշտ է roadpolice.am առցանց համակարգում վարորդին կցել ավտոմեքենային, և բալերը կպակասեն տվյալ վարորդի միավորներից։

Վարորդին կցել ավտոմեքենային

Եթե ավտոմեքենայի սեփականատերը չի կատարել իրավախախտումը, այլ այն կատարվել է մեկ այլ անձի կողմից, ով տվյալ պահին վարել է սեփականատիրոջ ավտոմեքենան, ապա սեփականատերը կարող է ավտոմեքենան կցել իրական վարորդին։ Այս դեպքում բալերը կպակասեն իրական վարորդի միավորներից, այլ ոչ թե սեփականատիրոջ։

• Անհրաժեշտ է մուտք գործել roadpolice.am համակարգ։

• սեղմել «Ֆիզ անձանց համար» կոճակը,

• «Սեփականատեր» դաշտում լրացնել հանրային ծառայությունների համարանիշը (ՀԾՀ, սոցիալական քարտի համար), տրանսպորտային միջոցի հաշվառման վկայագրի համարը (տեխնիկական անձնագիր) և հեռախոսահամարը,

• անհրաժեշտ տվյալները մուտքագրելուց հետո նշված հեռախոսահամարին կուղարկվի SMS հաղորդագրություն, որն անհրաժեշտ է լրացնել բացված վանդակում,

• այնուհետև՝ կայքի «Շահագործում» բաժնում անհրաժեշտ է սեղմել մեքենայի տվյալների տողը,

• լրացնել շահագործողի տվյալները՝ ՀԾՀ, վարորդական վկայական, հեռախոսահամար,

• անհրաժեշտ տվյալները մուտքագրելուց հետո նշված հեռախոսահամարին կուղարկվի SMS հաղորդագրություն, որը պետք է լրացնել բացված վանդակում,
• այնուհետև էկրանի ներքևի հատվածում կբացվեն կցված շահագործողի տվյալները։

🔔Ի դեպ՝ շահագործողին հեշտությամբ հնարավոր է հեռացնել՝ սեղմելով նրա տվյալների կողքին երևացող «Դադարեցնել» կոճակը և նույն պահին շահագործողը կստանա SMS հաղորդագրություն՝ շահագործումը դադարեցնելու մասին։ 

⚠️Ուշադրություն

• Եթե վարորդի 13 բալը սպառվում է, ապա պատասխանատվությունը ընկնում է ավտոմեքենայի սեփականատիրոջ վրա, և բալերը հանվում են նրա միավորներից։

• Եթե վարորդի վարորդական վկայականի վավերականության ժամկետը ավարտվում է, ապա բալերը կրկին հանվում են ավտոմեքենայի սեփականատիրոջ միավորներից։

Կկորցնես 0,5 բալ, եթե.

• ավտոմեքենան վարես անընթեռնելի համարանիշով, 

• խախտես կանգառի և կայանման կանոնները,

• քո սխալ կայանման կամ կանգառի պատճառով մեքենադ տարհանվի պահպանվող հատուկ տարածք։

Կկորցնես 1 բալ, եթե․ 

• վարելիս ծխես,

• խախտես խաչմերուկներում անցման կանոնները,

• խախտես հետիոտնային անցումների հատման կանոնները,

• խախտես վազանցի կանոնները,

• խախտես մանևր կատարելու կամ հետընթաց վարման կանոնները,

• խախտես արտաքին լուսային սարքերից օգտվելու կանոնները,
• հեռահար լույսերն արգելված դեպքերում կիրառես,
• հետիոտնային անցումում կանգ առնես կամ կայանես,

• անվտանգության գոտին չամրակապես,

• անցնես հետիոտնային գիծը։

Կկորցնես 1․5 բալ, եթե․

• ամրագոտիները չամրակապես,
• վարելիս հեռախոսով խոսես,
• տաքսի կամ հասարակական տրանսպորտ վարելիս ծխես։

Կկորցնես 2 բալ, եթե․

• թույլատրելի առավելագույն արագությունը գերազանցես 11–30 կմ/ժ–ով,

• համարանիշի առնվազն մեկ նիշը փակես,

• ճանապարհային երթևեկության անվտանգության ապահովման կարգը խախտես և առաջացնես վթարային իրադրություն,

• մեքենան վարես լուսացույցի կարմիր կամ դեղին ազդանշանների դեպքում,

• լուսացույցի կամ կարգավորողի արգելող ազդանշանին չենթարկվես։ 
  

Կկորցնես 3 բալ, եթե․

• եթե խախտես ապակիների թափանցելիության կանոնները, և խախտումդ մեկ անգամ արձանագրվելուց հետո կրկին արձանագրվի,

• ավտոմեքենայի համարանիշն այլ անձի հանձնես,

• միակողմանի երթևեկությամբ ճանապարհով տրանսպորտային միջոցների հոսքին հակառակ, այդ թվում` հետընթաց վարես,

• ճանապարհի բաժանարար գոտին չնախատեսված վայրերում հատես ձախ շրջադարձ կամ հետադարձ կատարելու դեպքում,

• թույլատրելի առավելագույն արագությունը գերազանցես 31–50 կմ/ժ–ով։ 

Կկորցնես 4 բալ, եթե․

• հանդիպակաց երթևեկության գոտի դուրս գաս,

• թույլատրելի առավելագույն արագությունը գերազանցես 51–80 կմ/ժ–ով։

Կկորցնես 5 բալ, եթե․

• մեքենան վարես ոչ սթափ վիճակում։

Վարորդական իրավունքից զրկվելու համար պատճառ կարող են լինել՝

• ոչ սթափ վիճակում ավտոմեքենա վարելը, ալկոթեսթ հանձնելուց հրաժարվելը,

• առանց թույլտվության ավտոմեքենայի վրա կարմիր և/կամ կապույտ փարոսիկների և հատուկ ձայնային ազդանշանների տեղադրումը,

• առանց համարանիշի ավտոմեքենա վարելը, 

• վարորդական իրավունքից զրկվելու դեպքում կամ առանց վարորդական իրավունքի մեքենա վարելը,

• ճանապարհային ոստիկանության տեսուչի` ավտոմեքենան կանգնեցնելու պահանջը չկատարելը, 

• թույլատրելի առավելագույն արագությունը գերազանցելը 81կմ/ժամով և ավելի

Առցանց ստուգել վարորդի տուգանքները

⚠️Ճանապարհային երթևեկության կանոնները չպահպանելու դեպքում գործում են վարչական տուգանքներ, որոնց չափը և ձևը կախված են խախտման տեսակից։

• Անհրաժեշտ է մուտք գործել roadpolice.am համակարգ։

Վարորդի վարչական տուգանքները ստուգելու համար «Շարունակել» կոճակը սեղմելուց հետո անհրաժեշտ է՝

• մուտք գործել անձնական էջ՝ անցնելով ԵսԵմ նույնականացում կամ տեղադրելով նույնականացման քարտն ընթերցիչի մեջ,
• անձնական էջի «Խախտումներ» բաժնում լրացված կլինեն տվյալ վարորդի ունեցած բոլոր խախտումներն ու տուգանքները:

Անձնական էջում հնարավոր է նաև՝

• ծանոթանալ ընդունված բոլոր որոշումներին, վարչական տուգանքների նշանակմանը,
• հետևել սեփական տուգանային բալերի հաշվեկշռին,
• բաժանորդագրվել համակարգում և վարչական տուգանքների նշանակման մասին ծանուցումները ստանալ SMS հաղորդագրությամբ։

Վարորդի վարչական տուգանքները կարելի է ստուգել նաև բանկային հավելվածի կամ վճարային տերմինալների միջոցով՝ մուտքագրելով մեքենայի տվյալները կամ ստացված որոշման համարը։

yerevan.am կայքում կարելի է ստուգել վճարովի ավտոկայանատեղերի իրավախախտումները պետհամարանիշներով կամ PIN-կոդերով։ 

Պետհամարանիշը վնասվելու դեպքում հնարավոր է վերաթողարկել այն կամ վերանորոգման հանձնել՝ դիմելով հաշվառման-քննական բաժին (ՀՔԲ)։

• Ի՞նչ պետք է անել համարանիշը վնասվելու դեպքում

Եթե գտնվում ես Երևանում կամ Գյումրիում, ապա վնասված համարանիշը վերանորոգելու համար պետք է այցելես Երևանի ՀՔԲ-ներ (Գաջեգործների 76, Իսակովի 9) կամ Շիրակի մարզի ՀՔԲ (Թբիլիսյան խճուղի, 2/14), որտեղ նոր կամ նորոգված համարանիշը կտրամադրվի անմիջապես։

Իսկ եթե գտնվում ես մարզերում, ապա անհրաժեշտ է վնասված համարանիշը մոտեցնել տվյալ մարզի հաշվառման-քննական բաժին (ՀՔԲ) և դիմել այն վերաթողարկելու համար։ Այդ դեպքում վարորդին 1 շաբաթ ժամկետով կտրվի ժամանակավոր համարանիշ։ Այդ 1 շաբաթվա ընթացքում վարորդը պետք է այցելի Երևանի ՀՔԲ՝ նոր թիթեղյա համարանիշը ստանալու համար։

• Որքա՞ն է անհրաժեշտ վճարել վնասված համարանիշը վերաթողարկելու համար

Վնասված համարանիշը վերանորոգելու կամ վերաթողարկելու համար անհրաժեշտ է վճարել 12,000 դրամ։ Վճարումը կատարվում է տեղում՝ վճարային տերմինալի միջոցով։

Մարզում տրամադրված ժամանակավոր համարանիշի համար վճարում չի կատարվում։