Հայաստանի Հանրապետության ներքին գործերի նախարարությունը իրականացնում է միջազգային համագործակցություն օտարերկրյա պետությունների ՆԳ նախարարությունների և միջազգային կազմակերպությունների հետ՝ ՆԳՆ մանդատի ներքո գտնվող ոլորտներում։
Հայաստանի Հանրապետության ներքին գործերի նախարարությունը հատկապես ակտիվ համագործակցում է Ավստրիայի Հանրապետության, Բելգիայի Թագավորության, Գերմանիայի Դաշնային Հանրապետության, Եգիպտոսի Արաբական Հանրապետության, Էստոնիայի Հանրապետության, Իտալիայի Հանրապետության, Իրանի Իսլամական Հանրապետության, Լեհաստանի Հանրապետության, Լիտվայի Հանրապետության, Միացյալ Թագավորության, Նիդերլանդների Թագավորության, Չեխիայի Հանրապետության, Չինաստանի Ժողովրդական Հանրապետության, Ռուսաստանի Դաշնության, Վրաստանի, Ֆրանսիայի Հանրապետության, Շվեդիայի Թագավորության, ԱՊՀ մասնակից և այլ պետությունների ներքին գործերի նախարարությունների հետ:
Սերտ համագործակցություն է իրականացվում Միավորված ազգերի կազմակերպության կառուցվածքային ստորաբաժանումների (UNDP, UNODC, UNHCR, UNICEF և այլն), Միգրացիայի միջազգային կազմակերպության, Եվրոպական միության, Եվրոպայի Խորհրդի, Եվրոպայում անվտանգության և համագործակցության կազմակերպության (ԵԱՀԿ), ԵՄ իրավապահ մարմինների ուսուցման գործակալության (CEPOL), ԱՊՀ տարածքում կազմակերպված հանցավորության և այլ վտանգավոր հանցագործությունների դեմ պայքարի կոորդինացիոն Բյուրոյի, Կարմիր խաչի միջազգային կազմակերպության, Համաշխարհային բանկի, Ասիական Զարգացման Բանկի, Ժնևի անվտանգության ոլորտի կառավարման կենտրոնի (DCAF), Ճապոնիայի կառավարության JICA գործակալության հետ, «Հանցավոր սպառնալիքների դեմ պայքարի Եվրոպական բազմամասնագիտական հարթակի» (EMPACT) շրջանակներում, Եվրոպական հանձնաժողովի քաղաքացիական պաշտպանության և մարդասիրական օգնության (DG ECHO) և միջազգային մի շարք այլ կառույցների հետ: Սահմանների և միգրացիայի կառավարման ոլորտում եվրոպական կողմի հետ համագործակցությունն առավել սերտացնելու համար կարևոր հիմք է նաև ՖՐՈՆՏԵՔՍ-ի հետ համագործակցությունը, սերտ է նաև համագործակցությունը ԵՄ քաղաքացիական պաշտպանության մեխանիզմի (UCPM) շրջանակում, հատկապես փորձի փոխանակման և համատեղ գործողությունների արդյունավետ կազմակերպման ուղղությամբ։
ՀՀ արտաքին գործերի նախարարության միջոցով սերտ համագործակցություն է իրականացվում նաև ՀՀ-ում հավատարմագրված դեսպանությունների, մասնավորապես՝ ԱՄՆ դեսպանության հետ՝ Թմրամիջոցների դեմ պայքարի և իրավապահ համագործակցության ծրագրի շրջանակներում և Հետաքննությունների Դաշնային Բյուրոյի հետ, Արաբական Միացյալ Էմիրությունների, Բուլղարիայի Հանրապետության, Բելգիայի Թագավորության, Գերմանիայի Դաշնային Հանրապետության, Եգիպտոսի Արաբական Հանրապետության, Էստոնիայի Հանրապետության, Հնդկաստանի Հանրապետության, Միացյալ Թագավորության, Իտալիայի Հանրապետության, Լիտվայի Հանրապետության, Լեհաստանի Հանրապետության, Ղազախստանի Հանրապետության, Ճապոնիայի, Չինաստանի Ժողովրդական Հանրապետության, Չեխիայի Հանրապետության, Ռուսաստանի Դաշնության, Վրաստանի, Ֆրանսիայի Հանրապետության և այլ օտարերկրյա պետությունների դեսպանությունների հետ (այդ թվում՝ ներկայացուցիչների միջոցով):
Համագործակցության արդյունավետության բարձրացման, գործընթացների շարունակականության ապահովման նպատակով ՀՀ ներքին գործերի նախարարությունը միջազգային գործընկերների հետ համատեղ իրագործում է մի շարք առանցքային ծրագրեր։
Նշված ծրագրերի շարքից են.
- 2026-2028թթ. Եվրոպական միության կողմից 4.5 միլիոն ԱՄՆ դոլարով ֆինանսավորվող AEGIS ծրագիրը, որն իրականացվում է ՄԱԿ Զարգացման ծրագրի (UNDP) և ԵԱՀԿ-ի (OSCE) կողմից՝ նպատակ ունենալով Հայաստանում կայացնել առավել հաշվետու, արդյունավետ և գենդերային նկատառումներով օժտված ոստիկանական ու փրկարար ծառայության ինստիտուցիոնալ համակարգեր։
- Ոստիկանության բարեփոխումների և կազմակերպված հանցավորության դեմ պայքարի շրջանակներում առանձնահատուկ կարևորություն ունի ՄԱԿ Զարգացման ծրագրի (UNDP) և ԱՄՆ ԹՊԻՀ (INL) ծրագրի կողմից 2024-2026թթ. իրականացվող PERSEUS ծրագիրը, որն ուղղված է մարդկային ռեսուրսների կառավարման մեխանիզմների կատարելագործմանն ու ծառայության գրավչության բարձրացմանը։
- Կիբեռհանցագործությունների դեմ պայքարի ոլորտում առաջնային դեր ունի Եվրոպայի խորհրդի կողմից 2024-2028թթ. իրականացվող CyberEast+ խոշոր նախագիծը՝ 3.5 միլիոն եվրո բյուջեով, որը միտված է քրեական արդարադատության արձագանքի բարելավմանը։
- 2025-2027թթ. թվականը ԵՄ-ի կողմից ֆինանսավորվող 3.3 միլիոն եվրո բյուջեով OCTOPUS ծրագիրը, որն իրականացվում է Ֆրանսիայի Հանրապետության, ԳԴՀ և Ռումինիայի գործընկեր կառույցների հետ համատեղ, որը խորացնում է ԵՄ-ում գործող Բարձր ռիսկային հանցավոր ցանցերի վերաբերյալ պատկերացումը, հատուկ ուշադրություն դարձնելով Բալկանյան և Արևելյան գործընկերության երկրների տարածաշրջանի ծագում ունեցող երկրների վրա։
- Հայաստանում աղետների արձագանքման կարողությունների հզորացման, Փրկարար ծառայության և աղետների ռիսկի կառավարման ուղղությամբ առանցքային է 2026-2030թթ. իրականացվող Եվրոպական միության (ԵՄ) կողմից ֆինանսավորվող PPRD East 4 («Արևելյան գործընկերության երկրներում բնական և տեխնածին աղետների կանխարգելում, պատրաստվածություն և արձագանքում», 4-րդ փուլ) ծրագիրը։
- Աղետների պատրաստվածության ճարտարապետության ամրապնդումն ու վաղ նախազգուշացման համակարգերի կատարելագործումն էլ իրականացվում են Միավորված Ազգերի Կազմակերպության Փախստականների Հարցերով Գերագույն Հանձնակատարի Գրասենյակի (UNHCR) և Եվրոպական հանձնաժողովի քաղաքացիական պաշտպանության և մարդասիրական օգնության (DG ECHO) աջակցությամբ գործող ծրագրերի, ինչպես նաև Ճապոնիայի կառավարության JICA գործակալության հետ շարունակական փոխգործակցության շնորհիվ։
- ՀՀ Ներքին գործերի նախարարությունը անմիջականորեն համակարգում է ՀՀ-ԵՄ վիզաների ազատականացման գործընթացը, որում որպես հայկական կողմի գլխավոր բանակցող հանդես է գալիս Ներքին գործերի նախարար Արփինե Սարգսյանը։ Միգրացիայի, սահմանների կառավարման և փախստականների աջակցության բնագավառում ռազմավարական նշանակություն ունի Վիզաների ազատականացման երկխոսության աջակցության ծրագիրը, որը ԵՄ-ի 2.2 միլիոն եվրո ֆինանսավորմամբ նպատակաուղղված է սահմանների կառավարման ու փաստաթղթերի անվտանգության համակարգերը ԵՄ և միջազգային չափանիշներին համապատասխանեցնելուն։ Սրան զուգահեռ, Միգրացիայի և քաղաքացիության ծառայության բարեփոխումներն ու անկանոն միգրացիայի հակազդումն ապահովվում են ICMPD-ի, "People in Need"-ի և ՄԱԿ-ի մասնագիտացված գործակալությունների (IOM, UNHCR) համատեղ ծրագրային փաթեթներով։
- ՀՀ ՆԳՆ փրկարար ծառայությունը հետևողականորեն խորացնում է փոխգործակցությունը ՄԱԿ-ի Որոնողափրկարարական միջազգային խորհրդատվական խմբի (INSARAG) հետ՝ ակտիվորեն նպաստելով արտակարգ իրավիճակներին արձագանքման գլոբալ համակարգի ամրապնդմանը:
- ՀՀ ներքին գործերի նախարարությունը ակտիվ մասնակցություն է ունենում ԱՊՀ, Եվրասիական տնտեսական միության (ԵԱՏՄ) շրջանակներում իրականացվող միջոցառումներին, ինչպես նաև ակտիվորեն ներգրավված է Հայաստան-Եվրոպական Միություն, Սևծովյան Տնտեսական Համագործակցության (BSEC) անդամ-պետությունների ներքին գործերի նախարարությունների և ոստիկանական կառույցների հետ իրականացվող համագործակցության ծրագրերում:
- ՀՀ-ն՝ ի դեմս ՆԳՆ, անդամակցում է Եվրոպական ոստիկանական սպորտային միությանը (USPE) և Միջազգային ոստիկանական սպորտային միությանը (USIP)։
- 992 թ. ի վեր Հայաստանը անդամակցում է Քրեական ոստիկանության միջազգային կազմակերպությանը` Ինտերպոլին: ՀՀ-ում Ինտերպոլի ԱԿԲ-ի խողովակներով համագործակցում է Ինտերպոլի բոլոր անդամ պետությունների հետ:
- 2024թ․ մայիսի 3-ից ուժի մեջ են մտել Հայաստանի Հանրապետության ներքին գործերի նախարարության և Եվրոպոլի միջև ստորագրված համաձայնագրերը, որոնք իրավական հիմք են հանդիսանում տեղեկատվության անվտանգ փոխանցման, ինչպես նաև նախարարության կողմից Եվրոպոլում կապի սպայի տեղակայման համար։ Ներկայումս ՀՀ ՆԳՆ ոստիկանությունում գործում է Եվրոպոլի հետ անվտանգ կապուղի /ՍԻԵՆԱ/, որի միջոցով տեղեկատվության փոխանակում է հնարավոր իրականացնել Եվրոպոլի անդամ պետությունների միջև, իսկ 2026թ. մարտի 23-ից ՀՀ վարչապետի որոշմամբ նշանակվել է Նիդերլանդների Թագավորությունում Հայաստանի Հանրապետության դեսպանությանը կից Հայաստանի Հանրապետության կապի ներկայացուցիչ (կապի սպա)։
ՀՀ Ներքին գործերի նախարարության աշխատակիցները մասնակցում են օտարերկրյա պետությունների և միջազգային կազմակերպությունների կողմից անցկացվող սեմինարներին և վերապատրաստման դասընթացներին ինչպես Հայաստանում, այնպես էլ Հայաստանից դուրս, սերտ համագործակցություն է իրականացվում տարբեր օտարերկրյա պետությունների ՆԳՆ կրթական հաստատությունների միջև։
Սկսած 1992 թ. ստորագրվել են ՀՀ ՆԳՆ գործառույթներին առնչվող շուրջ 150 երկկողմ և բազմակողմ համաձայնագրեր և պայմանագրեր: Մշտապես աշխատանքներ են իրականացվում օտարերկրյա պետությունների ՆԳ նախարարությունների հետ իրավապայմանագրային բազայի զարգացման ուղղությամբ։