ՆԳՆ ոստիկանության օրը՝ ապրիլի 16-ին, գործարկվել է Ներքին գործերի նախարարության ոստիկանության պաշտոնական նոր կայքը՝ police.mia.gov.am-ը:
Կայքի ստեղծման հիմքում հաշվետվողականության և թափանցիկության ապահովումն է ու հանրության հետ արդյունավետ հետադարձ կապի ստեղծումը։
Ժամանակակից սկզբունքներով եռալեզու կայքը համապատասխանում է ՀՀ հանրային ծառայությունների թվայնացման սկզբունքներին, գործում է ամպային տիրույթում, արագագործ է և ծավալուն։

Կայքում գործում է նաև ԵՄ ստանդարտներին համապատասխան ալգորիթմ, որի շնորհիվ այն հասանելի է նաև սահմանափակ կարողություններ ունեցող անձանց։

Տեխնիկական լուծումների արդյունքում կայքը հասանելի կլինի որոնման տարբեր համակարգերով, այլ երկրներում, ինչպես նաև հարմարեցված է տարբեր սարքավորումների էկրանների չափերին։

police.mia.gov.am-ն իր պարզությամբ և արագությամբ համահունչ է ՆԳՆ ոստիկանության օպերատիվ գործառույթներին։