«Արմենպրեսի» փոդքասթի տաղավարում Ներքին գործերի նախարարի տեղակալ Արմեն Ղազարյանը մանրամասնել է ԵՄ վիզաների ազատականացման Գործողությունների ծրագրի իրականացման ուղղությամբ Հայաստանի քայլերը․

☑️ԵՄ վիզաների ազատականցման ճանապարհին առաջնահերթություն է կենսաչափական համակարգի ներդրումը:

☑️Պետություն-մասնավոր գործընկերության արդյունքում գործընկեր ֆրանսիական կազմակերպության հետ արդեն հաստատվել է նույնականացման քարտերի դիզայնի վերջնական տարբերակը:

☑️Մեկնարկել է հումքի մեծաքանակ տպագրությունը:

☑️Առաջիկայում կներդրվի նույնականացման քարտերի և կենսաչափական անձնագրերի ամբողջական համակարգը։

☑️Պետությունը պետք է ունենա տվյալների պաշտպանության և անձի ինքնության պաշտպանության ամբողջական ենթակառուցվածք:

☑️Իրականացվում է ոչ թե պարզապես թղթի, պլաստիկի տպագրություն, այլ ներդվում է անձի ինքնության կառավարման ողջ ենթակառուցվածքը։

☑️Անվտանգային բաղադրիչները մի քանի մակարդակ առավել խիստ են: Փաստաթուղթն ամբողջությամբ համապատասխանում է նույնականացման քարտերի հետ կապված եվրոպական ստանդարտին:

☑️Կենսաչափական անձնագրերը քաղաքացիներին կսկսեն տրամադրել 2026թ երկրորդ կեսից:

☑️Առաջիկա ամիսներին կքննարկվի անձնագրի դիզայնը։

Անդրադառնալով հարցին, թե Հայաստանը ե՞րբ կավարտի Գործողությունների ծրագրի բոլոր հենանիշերի իրականացումը՝ ՆԳ նախարարի տեղակալը հավաստիացրել է, որ Կառավարությունն ամեն ջանք ներդնում է գործընթացը հաջողելու համար։